عدد المساهمات : 51 تاريخ التسجيل : 22/08/2010 العمر : 40
موضوع: ضمير صاحى الصراحه الخميس 26 أغسطس 2010, 8:14 pm
الصراحه ضمير بصراحه انا قريت المشكله واستغربت ان فى لسه بنات عايشه الكلام الفاضى ده ومصدقاه خليكوا معايا وقولولى رايكم
أنا بحب واحد أوي وهو كمان ويمكن أكتر مني؛ بس المشكلة إنه مش عاوزني أكلّم أولاد خالص.. وبحكم إنه في جامعة تانية؛ فهو مش بيبقى عارف أنا باكلّم أولاد ولا لأ.
وأنا فعلاً سمعت كلامه وبطّلت أكلم أي أولاد خالص عشان مش أبقى باعمل حاجة من وراه.. وحصل شوية مشاكل كده خلتني اتعرفت على واحد معايا في الكلية.. الولد ده عادي جداً بالنسبة لي؛ بس هو دايماً بيقول لي إنه بيستريح أوي لما يقعد معايا، وتقريباً بيحكي لي على كل حاجة في حياته، ولما حسيت إنه ممكن يكون متعلق بيّ عرّفته إني بحب واحد تاني، وقلت يمكن يكون ده سبب إنه مش يكلمني تاني لأن كلامي معاه بيتعب لي نفسيتي أوي، وضميري دايماً بيوجعني إني مخبيّة على حبيبي إني باكلّم واحد تاني.
بس للأسف، لما عرف ده ما غيرش حاجة غير إنه شالني من دماغه؛ بس برضه بيتصل بيّ كتير وبيطلب كتير مني إنه يشوفني أو إنه يقعد معايا.. أنا باتكسف أوي إني أحرجه؛ بس برضه بابقى متضايقة أوي من نفسي مش عارفة أعمل إيه عشان مش أكلمه تاني وفي نفس الوقت ما يحسّش إني بعته زي معظم الناس اللي عرفهم؛ كانوا بيعملوا معاه مواقف كانت دايماً بتحسسه إن الناس كلها بتبيعه.. أنا خايفة يحس إن أنا كمان مش كويسة وبِعته، وخصوصاً إنه بقى بيساعدني كتير في الدراسة.
أنا بجد بدأت أكره نفسي بسبب كلامي معاه.. يا ريت تقولوا لي طريقة أوصّل له بيها إننا مش نتكلم تاني؛ بس من غير ما أجرحه لأني بجد حاسة إني باخون حبيبي ده وميرسي جداً.
حد عنده رد
HANOOOV Admin
عدد المساهمات : 349 تاريخ التسجيل : 16/08/2010 العمر : 38 الموقع : https://hanooov.ahlamountada.com
هى المشكلة مش مستاهلة مش عايزة اقول انها بسيطة لانه مفيش مشكلة بسيطة او تافهة من وجهة نظر صاحبها فاانا عايزة اقولك انه بمنتهى البساطة طالما انه مفيش جواكى حاجة للشخص ده وانتى اصلا مش عايزة تكلميه وحاسة انك بتخونى اللى بتحبيه يبقى على طول من غير تردد تقوليهاله انا مش عايزة اتكلم معاك تانى لانه طالما هو مش بيعينى لك شئ يبقى مش هتخافى على زعله ولا هيفرق معاكى ولا عندك يفهم زى ما يفهم كل واحد حر فى تفكيره وعليكى انك تكون على مقدار الثقة اللى ادهالك الطرف التانى دى وجهة نظرى ورأيى
بصى افضل حل انك تغيرى خطك وتغيبى عن الكلية فترة وبكدة تقطعى اى وسيلة مقابلة او تواصل بينكم وبرضة لازم لما تكونو مع بعض لو انتى مش عاوزة تحرجية يعنى يكون معاكى كام واحدة من الشلة تبعك وتجاهلية خالص ولو طلب منك كلمة على انفراد خلى واحدة صاحبتك تغلس ومتسبكيش لوحدك ياما تقطعى عقر وتسيحى دمة قول لة انا مش اقدر اقابلك تانى لان خطيبى منعنى وتمشى وتسيبة ماظنش زعلة هيكون افضل من زعل خطيبك ولا اية؟؟؟؟
Ngome
عدد المساهمات : 158 تاريخ التسجيل : 16/08/2010 العمر : 38
انا شايفه ان كلمكوا صح وكلام كنوز كمان مظبوط قوى وعملى انتى بس حاولى تغيرى طريقه كلامك معاه شويه وهو هيفم انك عايزه تبعدى وبكده هيبعد لوحده او هيحس انه مش هيتطفل عليكى اكتر من كده وكمان حل الزميله الملازمه ليكى ده جميل جدا جدا هى مشكله من وجهه نظرنا تافهه وبسيطه جدا لكن عند صحبها بتبقى كبيره قوى لانه جوه الموضوع مش قادر يشوف الموقف كويس من بره تسلمى يا روشى ياقمر لكى تحياتى وتقديرى
موضوع: ضمير صاحى الصراحه 
الخميس 26 أغسطس 2010, 8:14 pm
