بحبك رغم اوهامى واهاومك

[photo]19886086[/photo]
بحبك رغم أوهامك وأوهامي
وشايلك جوه وجداني

ومانتــــــيش عارفة إحساسي
ومانتيش حاسه بغرامي

مهو اللي يحب يوم مــــــــــره
أكيد بيحب من تانى وبيفرق

مابين الحب وشعوره
وبين الوهم والإعجاب
لكنك ساكنة بكياني

فمش ممكن يكــــــــــون أوهام
وبالمرة مهوش إعجاب

عشان الحــــــــــــب شئ أسمى
يخليني
بفكر فيكي طول الليل
والاقيني أنام أحلم بأوصافك

تسيبيني كما الغرقان
وأحسك جوه تكويني
واشوفك وسط موج البحر
عروسة بحر بتشيلني
وعند البربلقا كي تودينى

واشوفك نجمة تهدينى
وصوت كروان
بيتغنى بألحاني ويشجيني

وفجأة بفوق وبتعصب
عشان الحلم ما كملشي وسبتيني
هشوفك فين فغير الحلم اقولهالك

عشان طيفك
عشان همسك
عشان شمسك
أنا عاشق جمال النور
ولو كانت مابينا بحور
راح اركب مركب الأشواق وأوصلك
مانا مشتاق عشق برك

أنا عاشقك
ونفسي بجد
وانا اللي بزرع الأزهار وبرويها
أقولهالك بِعلو الصوت:
جمالك فاق جمال الورد
وأغزلك من الأشواق جناح عصفور
عشــــــــــــــان خاطرك
يطير بينا لأبعد حـــــــــــــــــــــــــد

حبيبتي تانى مـالاول ومـا لاخر
خلاص القلب مش صابر
ونبضة قلبي هيمان وبيــــــــــعافر

عشان بتمنى أوصللك
وأشوف الحب فــعنيكي
وأسمــــــــــــــــــــــــــــعها
بحبك حب مش عادي
واتوه لما أرتمي فـحضنك
وتكمل فرحتي بيكي
فى روحي
وقلبي
وبكتاباتى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حقوق الطبع والنشر محفوظه © 2001
محاسب محمد حامد