| | **للبنات فقط 10 نصائح للخطوبة** |  |
|
|
| كاتب الموضوع | رسالة |
|---|
youyou
عدد المساهمات : 47
تاريخ التسجيل : 16/08/2010
|  موضوع: **للبنات فقط 10 نصائح للخطوبة**  الأربعاء 18 أغسطس 2010, 11:30 pm | |
| لما باذن الله ربنا يفك عقدتك.. وتتخطبى.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..... إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.....
قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا .
2- العيش أوعي تفضحينا وتقطعيه بسنانك..... ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا
وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك في البيت.. وتدلدقي على روحك..
بالمعلقه وبدون صوت... سخنة ولعة برضه بدون صوت.. وتسيبي تلت الطبق ع الأقل... مش تميليه.... عشان تلهطيها لآخر نقطة......
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه...
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي...
بتفصلي اللحم عن الشوك.... إزاي..؟؟ تقطعي اللحم من النص.... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.... بلاش فلح... شيلي السلسله بالشوكة والسكينة , وحطيها ف جنب الطبق وكملي أكل النص التاني... وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...
7- الجمبري.. -إذا كنتي عارفاه-.. أول ماطبق الجمبري
ينزل... بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابااااا.. وأتنهدي جامد وقولي.. برضه..؟؟؟
وتروحي قاطعة راس الجمبريياية.. بالشوكة.. أنا ف عرضك
إنسي المصمصة دلوقت..
8- البطاطس سواء مسلوقة أو محمرة... أوعي تهرسيها وتدبيها ع الرز وتبدي ....لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك..
لفة الفول والطعمية اللي جايباها معاكي.. وبالهنا والشفااااااااااااا
| |
|
| | |
suzy
عدد المساهمات : 3
تاريخ التسجيل : 18/08/2010
العمر : 38
| | موضوع: رد: **للبنات فقط 10 نصائح للخطوبة** الأربعاء 18 أغسطس 2010, 11:46 pm | |
| هههههههههههههههههه
نصايح غالية هههههههههههه
| |
|
| | |
HANOOOV
Admin
عدد المساهمات : 349
تاريخ التسجيل : 16/08/2010
العمر : 38
الموقع : https://hanooov.ahlamountada.com
| | موضوع: رد: **للبنات فقط 10 نصائح للخطوبة** الأربعاء 18 أغسطس 2010, 11:57 pm | |
| هههههههههههههههههههههه ايه الكلام ده يا يويو
ماشى منك نستفيد تسلمى على موضوعك يا قمر | |
|
| | |
جلاكسى
عدد المساهمات : 87
تاريخ التسجيل : 17/08/2010
العمر : 34
الموقع : منتديات hanooov
| | موضوع: رد: **للبنات فقط 10 نصائح للخطوبة** الخميس 19 أغسطس 2010, 12:55 am | |
| تسلمى يا يويو لا بجد جامده اوى عجبتنى حكاية الشوربه دى
بجد كتبتيها حلو كتير | |
|
| | |
youyou
عدد المساهمات : 47
تاريخ التسجيل : 16/08/2010
| | موضوع: رد: **للبنات فقط 10 نصائح للخطوبة** الخميس 19 أغسطس 2010, 9:47 pm | |
| ميرسى جدا جدا يا قمرات نورتوا التوبيك ويارب يكون عجبكم
علشان تستفيدوا منه ههههههههههههه
عجبتك الشوربة يا سمسم يلا بقى عدى الجمااايل
شكرا لمرورك نورتوا | |
|
| | |
Ngome
عدد المساهمات : 158
تاريخ التسجيل : 16/08/2010
العمر : 38
| | موضوع: رد: **للبنات فقط 10 نصائح للخطوبة** الخميس 19 أغسطس 2010, 10:43 pm | |
| ههههههههههههههههه يالهوى هههههههههههههههه
ايه ده كله حرام عليكى ده تعذيب موش أكل
هههههههههههههههههههه عجبنى قوى التوبيك بجد تحفه يهلك من الضحك
بصى انا عندى حل افضل موش لازم اكل خالص نقضيها ايس كريم افضل او بيبسى ههههههههههههههه
تسلمى ياقمر ان شاء الله نحاول قدر الامكان نعمل بيها بقا وأمرنا لله
تسلم ايديك ياقمر
دمتى فى حفظ الله ورعايته | |
|
| | |
youyou
عدد المساهمات : 47
تاريخ التسجيل : 16/08/2010
| | موضوع: رد: **للبنات فقط 10 نصائح للخطوبة** الجمعة 20 أغسطس 2010, 12:05 am | |
| <FONT color=violet>هههههههههههه ازاى بقى جربى الكلام وانتى حتدعيلىمرسى يانجومى على مرورك بس لازم تبقى تقوليلى النتيجة</FONT> | |
|
| | |
MooN
عدد المساهمات : 51
تاريخ التسجيل : 22/08/2010
العمر : 40
| | موضوع: رد: **للبنات فقط 10 نصائح للخطوبة** الأحد 22 أغسطس 2010, 11:05 pm | |
| ههههههههههههههههههههههههههههههههههههههههه
يانهار ابيضده على مااتجوز اكون مت من الجوع
ههههههههههههه
تب مانقضيها سندوتشات احسن
تب لو عزمتيه يتغدى فى البيت هتعملى ايه
هتسيبيه وتخشى المطبخ تظلطى وترجعى ماتاكليش اصل انا مش قادرة شبعانه لما شوفتك
ههههههههههههههههههههههههه
| |
|
| | |
emma
عدد المساهمات : 4
تاريخ التسجيل : 19/08/2010
| | موضوع: رد: **للبنات فقط 10 نصائح للخطوبة** الثلاثاء 24 أغسطس 2010, 10:02 pm | |
| ههههههههههههههههههههههههههههه بصراحة من اول مابتديت اقرا وانا مابطلتش ضحك بس فعلا كلام مفيد واكيد لو الانسان على طبيعته يبقى احسن هو بس نحسن التصرف مش اكتر وشكرا كتير على التوبيك الجميل ده | |
|
| | |
youyou
عدد المساهمات : 47
تاريخ التسجيل : 16/08/2010
| | موضوع: رد: **للبنات فقط 10 نصائح للخطوبة** الثلاثاء 24 أغسطس 2010, 11:58 pm | |
| شكرا على مروركم بس ان شاء الله مفيش جوع ولا حاجة هههههههههه | |
|
| | |
| | **للبنات فقط 10 نصائح للخطوبة** | |
|
